Salam.Bu dərsimizdə POWER POINT proqramını tanıyacağıq.
Prezentasiya - (ingilis
sözündə götürülüb “presentation”- təqdimetmə deməkdir) – müəyyən
mövzuya aid olan rəngli şəkil-slayd toplusudur. Power Point proqramı
tətbiqi proqramlar sinfinə daxildir. Prezentasiyaların, öyrədici
slaydlar, dəvətnamələr və s. yaradılması üçün istifadə edilir. Bu
proqramda yaradılan faylların genişlənməsi .ppt-dir. Genişlənməni əvəz
edən nişan -
Word proqramından fərqli olaraq Power Point proqramında işləyən adam
xüsusi yaradıcılıq qabiliyyətinə və bədii zövqə malik olmalıdır. Power
Point proqramında yaradılan faylları – rəngli şəkillər, səslər,
animasiya müşayiət edir. Yaradılan slaydlara kompüterin ekranında baxmaq
üçün xüsusi əmrlərdən, geniş auditoriyada baxmaq
üçün isə xüsusi proyektorlardan istifadə edilir. Power Point
proqramında yeni fayl yaratdıqda açılan dialoq pəncərəsində slaydın
müxtəlif növləri (maketləri) təklif olunur. Lazımi maketi seçmək
lazımdır. Maket seçildikdən sonra lazımi atributlar (şəkil, mətn,
başlıq) daxil edilir. Slayd hazır olandan sonra dizayn işləri aparılır.
Yəni mətnin formatlanması, slaydın fon rənginin təyin edilməsi, istifadə
olunan şəkillərin ölçüsünü dəyişdirmək, sayını çoxaltmaq, animasiya
effektləri vermək, və s. Power Point proqramında yaradılan sənədə 4
rejimdə baxmaq olur:
1. Slayd rejimində
2. struktur rejimində
3. Slaydların toplantısı (sort) rejimində
4. qeydlər səhifəsi rejimində
Hər
rejimin özünün düyməsi var və onlar ekranın sağ aşağı tərəfində
yerləşir. Bundan əlavə həmin əmrlər baş menyunun View kateqoriyasına
daxildir. Başqa proqramlarda olduğu kimi slaydların üzərində standart
əməliyyatlar aparmaq mümkündür: Slayddan slayda keçmək, slaydı pozmaq,
yeni slayd açmaq və s.
Diqqətinizə görə minnətdaram. Növbəti dərslərədək
No comments:
Post a Comment