Bill Qeytsin SUPER Evi

Dünyanın ən varlı insanlarından olan BİLL Qeytsin möhtəşəm evi

Təsəvvür edin ki, Sizin maliyyə cəhətdən heç bir sıxıntınız yoxdur və Siz istənilən bir xəyalınızı, inanılmaz fantaziyanızı gerçəkləşdirə bilərsiniz

Belə olsaydı, özünüzə necə bir ev tikərdiniz? Ola bilsin ki, beyninizə müxtəlif fantastik kitab, əsər, film və ya cizgi filmlərindən fraqmentlər gəlir.

İstərdinizmi ki, ev Sizin əmrlərə tabe olsun, sizin arzularınızı yerinə yetirsin, özü işıqlanma və temperatur səviyyəsini quraşdırsın, qapıları da özü açsın və yır-yığışa, səliqə-sahmana nəzarət etsin: çayırları sulasın və gələn suyu təmizləsin. Belə görünür ki, söhbət artıq evdə deyil, bütöv bir kommunal sistemdən gedir.

Amma belə deyil! Bill Qeyts öz ağıllı evində beyninə gələn bütün fikirləri və arzuları yerinə yetirməyi bacarıb. Bu Sizə inanılmaz görünə bilər, amma onun evi elə proyektləşdirilib ki, insana elə gəlir ki, sanki tikilinin özünün intellekti var və o, öz sahiblərinin rahatlığını təmin etmək üçün hər-şey etməyə hazırdır.

Ev 7 il əvvəl tikilib, onun üzərində 4 landşaft mütəxəssisi, 104 elektrik, 300 naxış ustası və 30 dizayner çalışıb. Bu layihənin müəllifi Ceyms Katler – şimal-qərbi ABŞ-ın məşhur memarıdır. Bu komandanın qarşısında olduqca çətin bir tapşırıq dayanmışdı – milyarderin arzusunu gerçəkliyə çevirmək. Onların bəxti ondan gətirmişdi ki, evin sahibi pul baxımından heç bir xəsisliyə yol vermir və onların lazımı olacaq qədər vəsaitləri vardı. 4

Əgər nə isə sahibin ürəyincə olmasaydı, bunu dərhal dəyişmək və yenidən düzəltmək lazım gəlirdi.

Ev boyu ekskursiya

Əlbəttə, çətin ki, bizə Bill Qeytsin evinə dəvət olunmaq müyəssər olsun, amma bu ev haqqında müəyyən təsəvvür yaratmaq imkanımız isə əlbəttə ki var.

Evə çatmamış əlbəttə ki, siz ilk öncə mühafizə ilə qarşılaşacaqsınız. Onlar sizə bir neçə sual verərək, və Sizə xüsusi çip-sancaq verəcəklər. Bu çipdə sizin bütün üstünlük verdiyiniz nüanslar əks olunur. Nəticədə isə sizin qarşınızda məhz keçməli olduğunuz qapılar açılacaq. Belə bir sistem evi pisniyyətli insanlardan qoruyur, yəni onlar evin əvvəlcədən nəzərdə tutulmayan hissələrinə daxil olduqda təhlükəsizlik sisteminin siqnalları işə düşür.

Evin xüsusiyyətləri

Bəs bu evin qeyri-adi tərəfi nədir? Səkkiz mərtəbədən dördü yerin altında yerləşir. Bu Bill Qeyts ailəsinə kifayət qədər qənaət etmək imkanı verir, belə ki yeraltı tikililər vergiyə məruz qalmır. Amma evin özünə görə hər il 1 milyon dollar ödəmək lazım gəlir.

Yeraltı mərtəbələr xüsusi borular vasitəsi ilə günəş işığı ilə təmin olunur. Hava isə daima təmizlənir. Evdə gəzərkən siz divarlarda ənənəvi rəsm tabloları görməyəcəksiniz. Onların əvəzinə xüsusi monitorlar quraşdırılıb və bu ekranlarda dünya rəssamlıq sənətinin şedevrləri nümayiş olunur.

Həmçinin evdə real muzey də vardır ki, burada bəzi rəssamların əl işlərini seyr etmək mümkündür.

Bill Qeysin sərvətləri içərisində onun özəl kitabxanasını da qeyd etmək olar. O dördüncü mərtəbədə günbəzin altında yerləşir. Burada çoxlu sayda həqiqi kitabdan başqa, xüsusi monitorlar da var ki, onların vasitəsi ilə də daha çox kitabı elektron şəkildə oxumaq mümkündür.

Bəlkə də bir çoxlar Billin rəqs etməyi sevdiyini öyrənəndə təəccüblənəcəklər. Amma bu doğrudan da belədir. Əks təqdirdə, onun öz evində açılıb-yığılan rəqs meydançası düzəltdirməsinə nə gərək var idi? Bu meydanda nəinki işıqlandırma tez-tez dəyişir, həm də divarlar qonaqların hiss etmədiyi şəkildə aralanır.

Çox güman ki, bu intellektual evin heç də bütün sirləri deyil. Aydın olan əsas məsələ odur ki, yeni texnologiyalar istənilən bir fikri gerçəkləşdirmək imkanı verir. Yetər ki, kifayət qədər pulunuz olsun. 

(c) Mənbə : www.banker.az ( sayt idarəçisindən icazə alınıb paylaşılıb bu məlumat )